၄၅' x ၁၅' ကြော်ငြာဆိုင်းဘုတ်လျှောက်ထားခြင်း
၁။ ၂၀၁၆-၂၀၁၇ ဘဏ္ဍာရေးနှစ်မှစ၍ ၄၅' x ၁၅' ကြော်ငြာဆိုင်းဘုတ်များအား အောက်ပါအတိုင်း အုပ်စုခွဲခြား၍ ငှားရမ်းပေးသွားမည်ဖြစ်ပါသည်။
- (က) အုပ်စု A တစ်နှစ်ငှားရမ်းခ ကျပ်သိန်း(၂၅၀)
- (ခ) အုပ်စု B တစ်နှစ်ငှားရမ်းခ ကျပ်သိန်း(၁၈၀)
- (ဂ) အုပ်စု C တစ်နှစ်ငှားရမ်းခ ကျပ်သိန်း(၁၃၅)
- (ဃ) အုပ်စု D တစ်နှစ်ငှားရမ်းခ ကျပ်သိန်း(၁၀၀)
- (င) အုပ်စု E တစ်နှစ်ငှားရမ်းခ ကျပ်သိန်း(၅၀)
၂။ ကြော်ငြာဆိုင်းဘုတ်များ အငှားချထားရာတွင် လျှောက်ထားသူမှ ကြော်ငြာဘုတ်(၁)ခုလျှင် စပေါ်ငွေကျပ်(၂၀)သိန်းပေးသွင်း၍ အရေအတွက်ကန့်သတ်ချက်မရှိ လျှောက်ထားနိုင်ပြီးလျှောက်ထားသူများကိုယ်တိုင် ပွင့်လင်းမြင်သာစွာဖြင့် မဲနှိုက်အငှားချထားပေးမည်ဖြစ်ပါသည်။
၃။ အဆိုပါ ၄၅' x ၁၅' ကြော်ငြာဆိုင်းဘုတ်များအား အငှားချထားခြင်း လျှောက်ထားရာတွင် ဆောင်ရွက်ရမည့် လုပ်ငန်းစဉ်အဆင့်ဆင့်မှာ အောက်ပါအတိုင်းဖြစ်ပါသည်-
- (က) ကြော်ငြာဘုတ်(၁)ခုလျှင် လျှောက်လွှာတစ်စောင်နှုန်းဖြင့် လျှောက်လွှာပုံစံတွင် ဖြည့်စွက်၍ စပေါ်ငွေပေးသွင်းပြီးကြောင်း ငွေသွင်းချလံမိတ္တူနှင့်အတူ ဌာနမှူး၊ စီမံရေးရာဌာနသို့လိပ်မူလျှောက်ထားရပါမည်။
- (ခ) လျှောက်လွှာနှင့်အတူ MIC ခွင့်ပြုမိန့်(သို့မဟုတ်) ကုမ္ပဏီလိုင်စင်(သို့မဟုတ်)စည်ပင်သာယာလိုင်စင်(သို့မဟုတ်)ဝန်ကြီးဌာန/ ဌာနဆိုင်ရာတစ်ခုခု၏ လုပ်ငန်းလုပ်ကိုင်ကြောင်း အထောက်အထားများ ပူးတွဲတင်ပြရပါမည်။
- (ဂ) လျှောက်ထားသူသည် အပိုဒ်(ခ)ပါ စာရွက်စာတမ်းအထောက်အထားအမည်တွင် ပါဝင်သူကိုယ်တိုင်လျှောက်လွှာတွင်လက်မှတ်ရေးထိုးလျှောက်ထားရမည်။(လျှောက်လွှာများတင်သွင်းရာတွင် ကိုယ်စားလှယ်လွှဲစာဖြင့် လျှောက်ထားတင်သွင်းနိုင်သည်။)
- (ဃ) မဲနှိုက်ရရှိသည့်ကြော်ငြာဘုတ်အတွက် ကျသင့်ငှားရမ်းခငွေအား စတင်အငှားချသည့်လမှစ၍ ဘဏ္ဍာရေးနှစ်ကုန်ဆုံးသည်အထိ လအလိုက်ကျသင့်ငွေတွက်ချက်၍ ကြိုတင်ပေးသွင်းထားသည့် စပေါ်ငွေကျပ်သိန်း(၂၀)အား ခုနှိမ်၍ ကျန်ငွေအား အကြေပေးသွင်းရမည်။
- (င) မဲနှိုက်ရရှိပါက ရရှိသည့်နေ့မှစ၍ ရက်ပေါင်း(၃၀)ရက်အတွင်း ကျသင့်ငှားရမ်းခငွေအား(မပျက်မကွက်)ပေးသွင်းရန်နှင့် စာချုပ်ချုပ်ဆိုဆောင်ရွက်ရပါမည်။ သတ်မှတ်ကာလအတွင်း အခွန်ငွေပေးသွင်းစေ၍ စာချုပ်ချုပ်ဆိုခြင်းနှင့် တံဆိပ်ခေါင်းခွန်ပေးဆောင်ပြီးမှသာ ခွင့်ပြုငှားရမ်းမည်ဖြစ်ပါသည်။ သတ်မှတ်ကာလအတွင်း ပေးသွင်းနိုင်ခြင်းမရှိပါက ကြော်ငြာဆိုင်းဘုတ် အငှားချထားခြင်းကို ရုတ်သိမ်းမည်ဖြစ်ပြီး ကြိုတင်ပေးသွင်းထားသည့် စပေါ်ငွေ ကျပ်သိန်း(၂၀)အား ကော်မတီဝင်ငွေအဖြစ် သတ်မှတ်ဆောင်ရွက်သွားမည်။
- (စ) ကြော်ငြာဆိုင်းဘုတ်ရရှိသည့် လုပ်ငန်း/ ကုမ္ပဏီများအနေဖြင့် ဘဏ္ဍာရေးနှစ်အလိုက် ပေးသွင်းရမည့်ငှားရမ်းခများအား ဌာနမှသတ်မှတ်ထားသည့် ငွေစာရင်းခေါင်းစဉ် ၂-၀၃(၁-၀၃-၀၅) ပါ eChallan ဖြင့် My CITY မှတဆင့် CITYPAY Wallet ဖြင့် မြို့တော်ဘဏ်သို့ ပေးသွင်းရပါမည်။
- (ဆ) ငှားရမ်းခွင့်ရရှိသည့် ကြော်ငြာဆိုင်းဘုတ်များတွင် တပ်ဆင်မည့် ကြော်ငြာဒီဇိုင်းများသည် မြန်မာ့ယဉ်ကျေးမှုနှင့် လျော်ညီသည့် ဒီဇိုင်းပုံစံဖြစ်ရမည့်အပြင် အရက်၊ဆေးလိပ်၊ဘီယာနှင့်ကန့်သတ်ကုန်များအား တပ်ဆင်ကြော်ငြာမှုမရှိစေရေး၊ Vinyl မတပ်ဆင်မီ ဌာနသို့ နမူနာပုံစံတင်ပြပြီး ခွင့်ပြုချက်တောင်းခံရပါမည်။
- (ဇ) ငှားရမ်းခွင့်ရရှိသည့် ကြော်ငြာ Vinyl ဒီဇိုင်းအားပြောင်းလဲတပ်ဆင်လိုပါက တပ်ဆင်လိုသည့် ဒီဇိုင်းပုံစံကို ကြိုတင်တင်ပြလျှောက်ထားရမည်ဖြစ်ပြီး ခွင့်ပြုချက်ရမှသာ ဒီဇိုင်းပြောင်းလဲတပ်ဆင်ရမည်ဖြစ်ပါသည်။
- (ဈ) လျှောက်လွှာလျှောက်ထားသူများသည် မဲနှိုက်ရာခန်းမအတွင်းသို့ PO မူရင်းနှင့်အတူ တက်ရောက်ရမည်။
- (ည) မဲပေါက်ပါက PO မူရင်းကို ခန်းမအတွင်း ပေးအပ်ရမည်ဖြစ်ပြီး ပျက်ကွက်ပါက ခွင့်ပြုချက်ရုပ်သိမ်းပါမည်။
- (ဋ) ငှားရမ်းခွင့်ရရှိသည့်ကာလအတွင်း ကြော်ငြာဆိုင်းဘုတ်များတွင် တပ်ဆင်ထားသော ကြော်ငြာဒီဇိုင်းများအား ခွင့်ပြုကာလကုန်ဆုံးပါက ဖြုတ်သိမ်းရန်အတွက် လျှောက်ထားသူမှ တာဝန်ယူဆောင်ရွက်ရမည်။
- (ဌ) ၄၅ပေ x ၁၅ပေ ကြော်ငြာဘုတ်ကြီးများအား မဲနှိုက်အငှားချထားဆောင်ရွက်ခဲ့ပြီး မဲနှိုက်လျှောက်ထားခြင်းမရှိသည့် လက်ကျန်တိုင်များကို လအလိုက်၊ ကာလတို၊ ကာလရှည်ငှားရမ်းခြင်းများအတွက် ငှားရမ်းခအခွန်ငွေအား ငွေအကြေပေးသွင်းစေပြီးမှ လျှောက်ထားမှုအား ခွင့်ပြုမည်ဖြစ်ပါသည်။
- (ဍ) ၄၅ပေ x ၁၅ပေ ကြော်ငြာဘုတ်ကြီးများတွင် မဲနှိုက်အငှားချထားဆောင်ရွက်ရာတွင် ရန်ကုန်မြို့တော်နယ်နိမိတ်အတွင်း လုပ်ငန်းဆောင်ရွက်ရန် ထုတ်ပေးထားသော လုပ်ငန်းလိုင်စင်မဟုတ်ဘဲ ရန်ကုန်မြို့တော်နယ်နိမိတ်ပြင်ပဖြစ်သည့် အခြားစည်ပင်သာယာရေးလုပ်ငန်းလိုင်စင်ခွင့်ပြုချက်များ တင်ပြ၍လျှောက်ထားလာမှုများအား ခွင့်ပြုဆောင်ရွက်ခြင်းမပြုပါ။
နမူနာပုံစံ
|
|
|||||||||||||||
|
သို့ |
|||||||||||||||
|
ဌာနမှူး စီမံရေးရာဌာန ရန်ကုန်မြို့တော်စည်ပင်သာယာရေးကော်မတီ |
|||||||||||||||
|
ရက်စွဲ၊ ၂၀၂၀ ခုနှစ် လ ရက် |
|||||||||||||||
|
အကြောင်းအရာ။ ၄၅' x ၁၅' ကြော်ငြာဆိုင်းဘုတ်၌ ကြော်ငြာခွင့်ပြုပါရန် လျှောက်ထားခြင်း |
|||||||||||||||
|
၁။ အကြောင်းအရာပါကိစ္စနှင့်ပက်သက်၍ ကျွန်တော်/ကျွန်မတို့၏ ______________________________________________________ ကုမ္ပဏီလုပ်ငန်းသည် အမှတ်( )၊ _____________ထပ်၊ _________________လမ်း၊ ________________________________ မြို့နယ်တွင် ဖွင့်လှစ်လျက်ရှိသော ____________________________ လုပ်ငန်းကို အဓိကထားဆောင်ရွက်လျှက်ရှိပါသည်။ ၂။ ကျွန်တော်/ ကျွန်မတို့၏ ကုမ္ပဏီလုပ်ငန်းကြော်ငြာများအား ရန်ကုန်မြို့တော် စည်ပင်သာယာရေးကော်မတီမှ စိုက်ထူထားသော ၄၅' x ၁၅' ကြော်ငြာဆိုင်းဘုတ်များအနက် အုပ်စု ( ) တွင် ပါဝင်သော တိုင်အမှတ် ( )၊တည်နေရာ _______________________________________________ ၊ __________________________________ မြို့နယ်အား လျှောက်ထားရယူလိုပါသည်။ ၃။ ကြော်ငြာခွင့်ရရှိပါက ဌာနမှချမှတ်ထားသော စည်းမျဉ်း၊ စည်းကမ်းများနှင့်အညီ လိုက်နာဆောင်ရွက်ပြီး သတ်မှတ်ထားသောနှုန်းထားအတိုင်း ငွေပေးဆောင်မည်ဖြစ်ပါကြောင်း ဝန်ခံကတိပြုပါသည်။
လေးစားစွာဖြင့်
ဝန်ခံကတိ။ ကော်မတီက သတ်မှတ်ထားသည့် ပူးတွဲပါ စည်းကမ်းချက်များအား သိရှိလိုက်နာဆောင်ရွက်သွားမည် ဖြစ်ပါကြောင်း ဝန်ခံကတိပြုပါသည်။
|