အဆောက်အအုံ ပြီးစီးကြောင်း သက်သေခံလက်မှတ်(BCC) လျှောက်ထားရာတွင် ပါဝင်ရမည့်အချက်များ
၁။ အဆောက်အအုံ ပြီးစီးကြောင်း သက်သေခံလက်မှတ် (BCC) လျှောက်ထားရာတွင် အောက်ဖော်ပြပါ အချက် များကိုသတ်မှတ် လျှောက်လွှာပုံစံ နှင့်အတူ ပူးတွဲတင်ပြရမည် -
- ဌာနမှသတ်မှတ်လျှောက်လွှာ
- လျှောက်ထားသူ၏ မှတ်ပုံတင်မိတ္တူ
- ဆောက်လုပ်ခွင့်ပါမစ်နှင့်အိမ်ပုံစံမိတ္တူ တစ်စုံ
- ပုံစံစစ်ဆေးခငွေသွင်းချလံ မိတ္တူ
- စစ်ဆေးချက်မှတ်တမ်း စာအုပ် (Log Book)
- ရာပြတ်ဌာန၏အခွန်ပေးဆောင်ပြီးပြေစာ
- (၃)ထပ်နှင့်အထက် အဆောက်အအုံများအတွက် အထက်ပါအချက်များအပြင်အောက်ပါအချက်များပါတင်ပြရန်−
(၁) ပြည်တွင်းအခွန်များဦးစီးဌာန၏ အခွန်ကိစ္စစိစစ်ပြီးကြောင်းထောက်ခံချက် (သို့) အခွန်ပေးဆောင်မည်ဖြစ်ကြောင်းထောက်ခံချက်
(၂) မီးသတ်ဦးစီးဌာန၏ထောက်ခံချက်
(၃) ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန(ရေနှင့်သန့်ရှင်းမှု) ၏ ထောက်ခံချက်
(၄) ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန(လမ်းနှင့်တံတား) ၏ ထောက်ခံချက်
(၅) မြို့နယ်အုပ်ချုပ်ရေးမှူးလျှပ်စစ်ဓာတ်အားပေးရေးအဖွဲ့ ၏ထောက်ခံချက် (Y.E.S.B). (သို့) မီတာများတပ်ဆင် ရန်လျှောက်ထားပြီးသည်မှာ မှန်ကန်ကြောင်း ထောက်ခံချက်
(၆) အင်ဂျင်နီယာဌာန (အဆောက်အအုံ) လျှပ်စစ်ဌာနခွဲ၏ထောက်ခံချက်
(၇) ရန်ကုန်မြို့တော် စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့်သန့်ရှင်းရေးဌာန မှ အမှိုက်ပုံး ဝယ်ယူထားသော ချလံ
(၈) အဆောက်အအုံတိမ်းစောင်းမှု ရှိ/မရှိ Theodolite Reading
(၉) အဆောက်အအုံ၏ ရှေ့/နောက်၊ ဝဲ/ယာ လျှပ်စစ်မီတာ၊ ရေမော်တာ မိလ္လာကန် ထားရှိမှုဓာတ်ပုံ
(၁၀) အခန်း ၁၈ ခန်းနှင့်အထက် အဆောက်အအုံ များအတွက် Transformer တပ်ဆင်သုံးစွဲခွင့် YESB ထောက်ခံချက်
(၁၁) ဓာတ်လှေခါးပါဝင်သော အဆောက်အအုံများအတွက် ဓာတ်လှေခါးတပ်ဆင်သုံးစွဲခွင့် လက်မှတ် (E.I).
Back to Top
