MIC လုပ်ငန်းများ လိုင်စင်လျှောက်ထားခြင်း(နိုင်ငံသား/နိုင်ငံခြားသား)

Online မှ လုပ်ငန်းလိုင်စင်လျှောက်ထားရာတွင် သာမန်အားဖြင့် အောက်ဖော်ပြပါ အချက်များ၊ အထောက်အထားများအား ပူးတွဲတင်ပြရပါမည်-

     (က)    လုပ်ငန်းရှင်၏ နိုင်ငံသားစိစစ်ရေးကတ်မိတ္တူ၊ နိုင်ငံခြားသားဖြစ်ပါက သက်တမ်းရှိ ပတ်စ်ပို့/ ဗီဇာမိတ္တူနှင့် ဓါတ်ပုံ(၁)ပုံ

     ( ခ)    လုပ်ငန်းလုပ်မည့်နေရာအတွက် လုပ်ကိုင်ခွင့်အထောက်အထား (ဥပမာ၊ ကိုယ်ပိုင်ဂရန်/ အရောင်းအဝယ်စာချုပ်/ အငှားစာချုပ်)

    ( ဂ)    လုပ်ကိုင်မည့် လုပ်ငန်းကို ဝဲ/ယာ ရှေ့နောက် အနီးစပ်ဆုံးပတ်၀န်းကျင်(၁၀)ဦး သဘောတူ/ ကန့်ကွက်ရန်မရှိကြောင်း ထောက်ခံချက်များ

    (ဃ)    သက်ဆိုင်ရာမြို့နယ်မီးသတ်ဦးစီးမှူး၏ ထောက်ခံချက်

    ( င)    စည်ပင်သာယာကျန်းမာရေးဌာန၏ ထောက်ခံချက်

    ( စ)    အခွန်ဦးစီးဌာန၏ အခွန်ပေးဆောင်ပြီးကြောင်း အထောက်အထား

    (ဆ)   စက်မှုဇုန်နှင့် စည်ပင်သာယာပတ်ဝန်းကျင်ထိမ်းသိန်းရေးနှင့် သန့်ရှင်းရေးဌာန၏ ထောက်ခံချက်

   (ဇ)    MIC  ခွင့်ပြုချက်

   (စျ)     စက်ရုံ/အလုပ်ရုံများဖြစ်ပါက စက်မှုကြီးကြပ်ရေးနှင့်စစ်ဆေးရေးဦးစီးဌာန၏ ခွင့်ပြုချက်

    (ည)    အစားအသောက်ထုတ်လုပ်ခြင်းလုပ်ငန်းဖြစ်ပါက အစားအသောက်နှင့်ဆေးဝါးကွပ်ကဲ ရေးဦးစီးဌာန (FDA)၏ ခွင့်ပြုချက်

    (ဋ)     ကုမ္ပဏီမှတ်ပုံတင်လက်မှတ်၊ အစုရှယ်ယာစာရင်း၊ ဒါရိုက်တာအဖွဲ့ စာရင်း၊

    ( ဌ)     လုပ်ငန်းအမျိုးအစားအလိုက်သက်ဆိုင်သော၀န်ကြီးဌာန၏ ခွင့်ပြုမိန့်   (လုပ်ငန်းအလိုက် လိုအပ်သည့် သက်ဆိုင်ရာဌာနများ၏ ခွင့်ပြုမိန့်များအား

             အထွေထွေခေါင်းစဉ် အောက်တွင် ဖော်ပြထားပါသည်။)

 

၂။          Online Application လက်ခံရရှိပါက သက်ဆိုင်ရာ ခရိုင်/မြို့နယ်စည်ပင်သာယာအုပ်ချုပ် ရေးမှူးရုံးမှ ကွင်းဆင်းစစ်ဆေးမည့်ရက်အား အကြောင်းကြားမည် ဖြစ်ပါသည်။ ယင်းသို့ ကွင်းဆင်း စစ်ဆေးစဉ် ထပ်မံတင်ပြရန် အထောက်အထားများ လိုအပ်ပါက တပြိုင်တည်း တောင်းခံပါမည်။

 

၃။         ကွင်းဆင်းစစ်ဆေး၍ အချက်အလက်ပြည့်စုံပြီး လိုအပ်ချက်မရှိပါက မြို့နယ်/ခရိုင်မှတဆင့် ဌာနသို့တင်ပြ၍(၃)ပတ်အတွင်း (ရုံးပိတ်ရက် မပါ) လိုင်စင်ခွင့်ပြုကြောင်း အကြောင်းကြားမည်။

 

၄။        ခွင့်ပြုချက်ရရှိ၍ မြို့နယ်စည်ပင်သာယာအုပ်ချုပ်ရေးမှူးရုံးတွင် သတ်မှတ်လိုင်စင်ကြေးငွေကို ပေးသွင်းပြီးပါက လိုင်စင်ကတ်ပြားထုတ်ပေးမည် ဖြစ်ပါသည်။

 

Back to Top