လုပ်ငန်း လိုင်စင် (အသစ်) လျှောက်ထားခြင်း 

 (ထုတ်လုပ်ခြင်း၊ရောင်းချခြင်း၊ တည်ခင်းခြင်း၊ဖြန့်ဖြူးခြင်း၊ သိုလှောင်ခြင်း၊ဝန်ဆောင်မှု၊

အကျိုးဆောင်လုပ်ငန်းများနှင့် စက်ရုံ/အလုပ်ရုံများ)

 

(ခ)      နိုင်ငံခြားသား

 

၁။     Online မှ လုပ်ငန်းလိုင်စင်လျှောက်ထားရာတွင် သာမာန်အားဖြင့် အောက်ဖော်ပြပါအချက်များ၊ အထောက်အထားများအား ပူးတွဲတင်ပြရပါမည်-

       (က)    သက်တမ်းရှိ ပတ်စ်ပို့၊ သက်တမ်းရှိဗီဇာမိတ္တူနှင့် ဓါတ်ပုံ(၁)ပုံ

      ( ခ)    ကုမ္ပဏီမှတ်ပုံတင်လက်မှတ်၊ အစုရှယ်ယာစာရင်း၊ ဒါရိုက်တာအဖွဲ့ စာရင်း၊

     ( ဂ)    MIC ခွင့်ပြုချက်(ဝန်ဆောင်မှု/အကျိုးဆောင်လုပ်ငန်းများမပါ)

    (ဃ)    လုပ်ငန်းလုပ်မည့်နေရာအတွက် လုပ်ကိုင်ခွင့်အထောက်အထား (ဥပမာ၊ ကိုယ်ပိုင်ဂရန်/ အရောင်းအဝယ်စာချုပ်/ အငှားစာချုပ်)

   ( င)    လုပ်ကိုင်မည့် လုပ်ငန်းကို ဝဲ/ယာ ရှေ့နောက် အနီးစပ်ဆုံး ပတ်၀န်းကျင်(၁၀)ဦး သဘောတူ/ ကန့်ကွက်ရန်မရှိကြောင်း ထောက်ခံချက်များ

   ( စ)    သက်ဆိုင်ရာမြို့နယ်မီးသတ်ဦးစီးမှူး၏ ထောက်ခံချက်

   (ဆ)    စည်ပင်သာယာကျန်းမာရေးဌာန၏ ထောက်ခံချက်

   (ဇ)     စက်ရုံ/အလုပ်ရုံများဖြစ်ပါက စက်မှုကြီးကြပ်ရေးနှင့်စစ်ဆေးရေးဦးစီးဌာန၏ ခွင့်ပြုချက်

  ( စျ)    အခွန်ဦးစီးဌာန၏ အခွန်ပေးဆောင်ပြီးကြောင်း အထောက်အထား

   (ည)    အစားအသောက်ထုတ်လုပ်ခြင်းလုပ်ငန်းဖြစ်ပါက အစားအသောက်နှင့်ဆေးဝါးကွပ်ကဲ ရေးဦးစီးဌာန (FDA)၏ ခွင့်ပြုချက်

    (ဋ)     လုပ်ငန်းအမျိုးအစားအလိုက် သက်ဆိုင်သော၀န်ကြီးဌာန၏ ခွင့်ပြုမိန့် (လုပ်ငန်းအလိုက် လိုအပ်သည့်သက်ဆိုင်ရာဌာနများ၏ ခွင့်ပြုမိန့်များအား

             အထွေထွေခေါင်းစဉ်အောက်တွင် ဖော်ပြထားပါသည်။)

 

၂။      Online Application လက်ခံရရှိပါက သက်ဆိုင်ရာ ခရိုင်/မြို့နယ်စည်ပင်သာယာအုပ်ချုပ် ရေးမှူးရုံးမှ ကွင်းဆင်းစစ်ဆေးမည့်ရက်အား အကြောင်းကြားမည် ဖြစ်ပါသည်။ ယင်းသို့ ကွင်းဆင်း စစ်ဆေးစဉ် ထပ်မံတင်ပြရန် အထောက်အထားများ လိုအပ်ပါက တပြိုင်တည်း တောင်းခံပါမည်။

 

၃။     ကွင်းဆင်းစစ်ဆေး၍ အချက်အလက်ပြည့်စုံပြီး လိုအပ်ချက်မရှိပါက မြို့နယ်/ခရိုင်မှတဆင့် ဌာနသို့တင်ပြ၍ (၃)ပတ်အတွင်း (ရုံးပိတ်ရက် မပါ) လိုင်စင်ခွင့်ပြုကြောင်း အကြောင်းကြားမည်။

 

၄။      ခွင့်ပြုချက်ရရှိ၍ မြို့နယ်စည်ပင်သာယာအုပ်ချုပ်ရေးမှူးရုံးတွင် သတ်မှတ်လိုင်စင်ကြေးငွေကို ပေးသွင်းပြီးပါက လိုင်စင်ကတ်ပြားထုတ်ပေးမည် ဖြစ်ပါသည်။

Back to Top